Os gastos da compravenda son independentes dos gastos relacionados co financiamento solicitado, ben que ó liquidárense conxuntamente dáse certa confusión sobre os importes e as porcentaxes que supoñen. Son dúas operacións diferentes, que se poden levar a cabo de forma independente.

En VIVALIA Consultora Inmobiliaria compracerémonos de analizar a súa situación e asesoralo ó respecto.

A continuación indícanse os gastos que corresponden á compravenda, así como a súa distribución entre os contratantes. Agora ben, será válido calquera acordo para a distribución dos gastos entre os intervenientes, tendo en conta que, no caso de que non exista acordo expreso, aplicarase o establecido na lei. Debe lembrarse que os datos aquí ofrecidos teñen só carácter informativo e poden sufrir modificacións en calquera momento.

GASTOS A CARGO DO COMPRADOR

De forma xeral, pódese afirmar que os gastos adicionais que se xeran nas operacións de compra de vivenda poden chegar a supoñer ata un 10% do valor do inmoble.

Gastos de xestoría. A participación de xestores administrativos é optativa sempre e cando non se tramitara un préstamo hipotecario, en caso no que a entidade bancaria esixirá que se designe un de común acordo. O labor do xestor céntrase na tramitación de escrituras (de compravenda, de hipoteca, de subrogación, etc.), a liquidación de impostos e a inscrición no Rexistro da Propiedade. O custo do servizo varía aproximadamente entre 200 e 300 euros por operación, dependendo das xestións contratadas e o valor do inmoble, e está suxeito a un 18% de IVE.

Impostos aplicados.

• IVE.IVE. A primeira transmisión de vivenda está suxeita a un imposto do 8% sobre o valor escriturado, en concepto de IVE (4% se a vivenda é de protección oficial). As vivendas usadas (segunda transmisión e sucesivas) non tributan por IVE senón que o fan por ITP. No caso de prazas de garaxe compradas de forma independente, o tipo de IVE aplicado é o 18%. Así mesmo, tributan o 18% os honorarios de xestoría e os aranceis de notaría e rexistro.
  
  
• ITP. O Imposto de Transmisións Patrimoniais aplícase na compravenda de vivendas usadas a un tipo do 7% sobre o valor escriturado. O tipo de imposto varía dependendo da comunidade autónoma na que se efectúe a compravenda.
  
  
• IAXD.En compras de vivenda nova, é preciso aboar un 0,5% en concepto de Imposto de Actos Xurídicos Documentados (IAXD). O imposto aplícase dobremente, tanto á escritura de compravenda coma á de hipoteca (neste último caso, grava a totalidade da obriga contraída: capital, intereses, custos e gastos). No caso da vivenda usada, só está suxeita a escritura da hipoteca, se a houbera, pero non a escritura de compra.

Gastos de notaría. Antes de poder inscribir a vivenda no Rexistro da Propiedade, é preciso que un notario certifique a compravenda mediante escritura. Os aranceis ou tarifas aplicados polos notarios están regulados por lei e divididos en treitos que se van sumando segundo o valor da vivenda:

Como se indicou anteriormente, o resultante total está suxeito a un 18% de IVE. Tamén se aplica o arancel notarial á escritura do préstamo hipotecario, se o houbese, aínda que rebaixando a tarifa nun 25%, e sen aplicar IVE.

Gastos de rexistro. Os aranceis (tarifas) aplicados polos rexistradores da propiedade para a inscrición de inmobles están fixadas por lei de maneira similar ás dos notarios, e dependen do valor escriturado segundo a seguinte táboa de valores acumulativos:

Como se indicou anteriormente, o resultante total está suxeito a un 18% de IVE. Se se tramitara préstamo hipotecario, a entidade bancaria esixirá que este tamén se rexistre, polo que habería que aplicarlle o arancel rexistral correspondente, aínda que rebaixando a tarifa nun 25%, e sen aplicar IVE.

Adicionalmente, se o comprador solicita un préstamo hipotecario bancario para aboar a compra da vivenda, debe ter en conta os gastos derivados, que corresponden normalmente a: solicitude dun certificado de dominio e cargas expedido polo Rexistro; taxación do inmoble; comisión de apertura de préstamo; nalgúns casos, contratación dun seguro de incendios (obrigatorio por lei) coa mesma entidade bancaria ou outra empresa aseguradora.

Para a súa comodidade, elaboramos unha GUÍA DO COMPRADOR. 
En VIVALIA Consultora Inmobiliaria, estaremos sempre encantados de axudarlle.

GASTOS A CARGO DO VENDEDOR

Como vendedor dun inmoble, a non ser que previamente se pacte o contrario coa parte compradora, a lei preve para vostede unha serie de gastos que xurdirán durante o proceso de venda. Pódense chegar a dar os seguintes gastos:

Gastos de notaría correspondentes á matriz (orixinal) da escritura de compravenda. Habitualmente, e aínda que o Código Civil establece que este gasto é a cargo do vendedor, páctase o seu pagamento polo comprador. Este custo calcúlase aplicando un arancel sobre o prezo escriturado da vivenda.

Imposto sobre o Incremento de Valor dos Terreos de Naturaleza Urbana, coñecido como "Plusvalía". É un imposto municipal que debe ser aboado polo vendedor, agás pacto en contrario entre as partes, e baséase no valor catastral do inmoble e os anos transcorridos desde a última transmisión. O incremento de valor calcúlase tendo en conta o valor catastral e mailo número de anos que transcorreron desde a anterior transmisión. Sobre este incremento aplícase o tipo de gravame, que fixa cada concello segundo uns máximos e uns mínimos fixados por lei. No caso de impagamento a Administración Municipal só pode exercer accións contra o vendedor, aínda que se pactara o pagamento polo adquirente, todo isto sen prexuízo de que posteriormente o vendedor esixa o resarcimento das cantidades por el satisfeitas ó comprador. É un imposto autoliquidable. A autoliquidación hai que presentala no Concello nun prazo de 30 días desde a sinatura da escritura.

Gastos de cancelación de cargas anteriores, o vendedor está obrigado a pagar tódalas cargas que tivese a vivenda con anterioridade á compravenda, tanto económicas como rexistrais, agás se se pacta entre comprador e vendedor que certas cargas as asuma o comprador, como ocorre cando o comprador se subroga nun préstamo hipotecario que grava a finca. Cómpre sinalar que o vendedor do inmoble debe de estar ó día no pagamento do Imposto sobre Bens Inmobles (IBI); no caso de existir algunha débeda, esta transmítese automaticamente ó comprador como novo propietario. Así mesmo, a lei establece que o IBI correspondente a un ano en concreto debe de ser satisfeito polo que era propietario do inmoble a 1 de xaneiro do mesmo ano.

Para a súa comodidade, elaboramos unha GUÍA DO VENDEDOR. 
En VIVALIA Consultora Inmobiliaria, estaremos sempre encantados de axudarlle.